Конкурсныя работы разглядалі 13 прафесійных мастакоў, педагогаў і мастацтвазнаўцаў з Беларусі, Расіі, Арменіі, Літвы і Малдовы. Журы працавала з 1 па 4 лютага ў адукацыйным цэнтры Беларускага зялёнага крыжа.

У галерэі “Прырода і творчасць” Рэспубліканскага цэнтра экалогіі і краязнаўства будуць прадстаўленыя жывапісныя, графічныя і пленэрныя работы вучняў і выкладчыкаў мастацкіх навучальных устаноў з Беларусі, Літвы, Расіі, Украіны і іншых краін. Адкрыццё выставаў адбудзецца 5-га лютага а 13.00.

Удзельнікі міжнароднага праекта «Перазоў стагоддзяў: Першая сусветная вайна і мір сёння» сабраліся 4 і 5 студзеня ў адукацыйным цэнтры Беларускага зялёнага крыжа, каб падвесці вынікі летняга пленэру і абмеркаваць эскізы творчых работ. Беларускія мастакі прывезлі работы самі, удзельнікі праекта з іншых краін скарысталіся электроннай поштай.

V Міжнародная канферэнцыя мастакоў-педагогаў "Сучасная мастацкая адукацыя дзяцей і моладзі" пройдзе ў Мінску з 5 па 7 лютага 2014 года. Запрашаем да ўдзелу педагогаў і выкладчыкаў выяўленчага мастацтва, кіраўнікоў мастацкіх навучальных установаў, мастацтвазнаўцаў, а таксама ўсіх, каму цікавая тэма канферэнцыі.

Восеньскі пленэр праекта «Перазоў стагоддзяў: Першая сусветная вайна і мір сёння» прайшоў з 29 кастрычніка па 2 лістапада ў мястэчку Крэва Смаргонскага раёна Гродзенскай вобласці.