Работы пераможцаў Міжнароднага конкурсу жывапісу і графікі «На сваёй зямлі» сталі ілюстрацыямі дзіцячай кніжкі-раскладушкі  «Разноцветно про котов». Кнігу выдала «Издательство Марины Волковой» (Чалябінск) з нагоды Дня котак, што адзначаецца па ўсім свеце 1 сакавіка. У яе ўвайшлі пасловіцы і пагаворкі пра катоў з розных краін.

Больш за 100 спецыялістаў у галіне культуры і мастацкай адукацыі з Беларусі, Вергрыі, Германіі, Расіі, Украіны і Чэхіі ўзялі ўдзел ў Міжнароднай канферэнцыі мастакоў-педагогаў «Сучасная мастацкая адукацыя дзяцей і моладзі», што праходзіла з 6 па 8 лютага ў Нацыянальным цэнтры мастацкай творчасці дзяцей і моладзі.

Па выніках конкурсу ў экспазіцыю 8-й Міжнароднай выставы «На сваёй зямлі» ў гэтым годзе ўвайшло 314 работ, якія міжнароднае журы і адзначыла дыпломамі І, ІІ, ІІІ ступені і дыпломамі выставы. Усяго на конкурс было даслана 15 459 работ з 31 краіны.

Выніковая выстава міжнароднага праекта  «Перазоў стагоддзяў: 1812-2012» адкрылася 30 студзеня ў гарадскім Доме культуры. На ёй прадстаўлены работы маладых мастакоў з Беларусі, Расіі і Украіны, якія прымалі ўдзел у праекце.

Выстава знаёміць з вынікамі гадавога міжнароднага праекта «Перазоў стагоддзяў: 1812-2012». У залах Магілёўскага абласнога мастацкага музея імя П.В.Масленікава прадстаўлены работы 26 удзельнікаў праекта з Беларусі, Расіі і Украіны.