Графічныя работы пераможцаў конкурсу "На сваёй зямлі" з розных краін былі прадстаўленыя ў выставачнай зале Дзіцячай мастацкай школы г. Віцебска з 15 чэрвеня па 25 жніўня. Гэта ўжо другая выстава конкурсу ў Віцебску, і зноў яна адбылася дзякуючы калектыву школы.

Зусім яшчэ нядаўні спакойны наш час раптам зрабіўся бурным і жахлівым. Калі глеба сыходзіць з-пад ног, нецярпімасць перамагае дабрыню, амбітныя міражы засцілаюць розум, міжволі паўстае жаданне звярнуцца да мінулага, дзе ўсё гэта ўжо было. Ці дорага каштавала гэткае шаленства нашай зямлі і нашым далёкім продкам, каб нам паўтараць яго зноў?.. Давайце разам з сённяшняга дня зазірнем ў нашую агульную гісторыю, адкрыем шчыра палітыя крывёю шматпакутныя старонкі мінулага, каб здабыць адвечныя ўрокі жыцця на зямлі.

Другі па ліку пленэр, прысвечаны падзеям Першай сусветнай вайны, праходзіў з 28 ліпеня па 9 жніўня ў адукацыйным цэнтры Беларускага зялёнага крыжа. Яго ўдзельнікамі сталі 24 мастака з Мінска, Магілёва, Гомеля, Навагрудка (Беларусь), Бранска, Валгаграда, Тулы (Расія) і Кіева (Украіна).

Выніковая выстава Міжнароднага культурна-асветніцкага праекта “Перазоў стагоддзяў: Першая сусветная вайна і мір сёння” адкрылася 7 жніўня ў Нацыянальнай бібліятэцы Рэспублікі Беларусь. У экспазіцыі прадстаўлены 52 работы, выкананыя мастакамі з Беларусі, Расіі і Украіны ў разнастайных графічных тэхніках.

Больш за 20 жывапісных работ, створаных мастакамі на леташнім пленэры Міжнароднага культурна-асветніцкага праекта “Перазоў стагоддзяў: Першая сусветная вайна і мір сёння”, прадстаўленыя на выставе, што адкрылася 2 жніўня ў Вілейскім краязнаўчым музеі.