Па выніках VII Міжнароднага конкурсу жывапісу і графікі “На сваёй зямлі” ў экспазіцыю выставы ўвайшло 486 работ з 15 краін. Адкрыццё экспазіцыі адбылося 19 красавіка 2012 года ў выставачнай зале Рэспубліканскага экалагічнага цэнтра дзяцей і юнацтва і ў мастацкай галерэі “Універсітэт культуры” ў Мінску. У гэты ж дзень прайшла цырымонія ўзнагароджання пераможцаў.

III Міжнародная канферэнцыя мастакоў-педагогаў "Сучасная мастацкая адукацыя дзяцей і моладзі " праходзіла 8-9 лютага 2012 года. У ёй прынялі ўдзел больш за 100 спецыялістаў у галіне культуры і мастацкай адукацыі з Беларусі, Расіі, Украіны, Грузіі.

У склад журы ўвайшлі 11 прафесійных мастакоў і педагогаў з Беларусі, Расіі, Украіны і Грузіі. З 3 па 7 лютага 2012 года яны разгледзелі 11 364 работы з 26 краін і абралі сярод іх найцікавейшыя і найяскравейшыя, вартыя, па іх меркаванні, быць паказанымі шырокаму колу гледачоў.

Удзел у сустрэчы прынялі маладыя мастакі і выкладчыкі з Мінска, Віцебска, Гомеля, Магілёва, Мазыра, Маладэчна, Ашмян. Творчая майстэрня праходзіла 26-27 лістапада 2011 года – у 199-ю гадавіну пераправы войскаў Напалеона праз раку Бярэзіну.

У пленэры, што праходзіў з 22 па 27 жніўня 2011 года ў адукацыйна-аздараўленчым цэнтры Беларускага зялёнага крыжа, прынялі ўдзел 14 педагогаў з мастацкіх школ і студый Віцебская, Гомельскай, Гродзенскай, Мінскай і Магілёўскай вобласцей Беларусі. Гэта першы пленэр для педагогаў у межах Міжнароднага мастацкага праекта "На сваёй зямлі".