Маладыя мастакі і выкладчыкі выяўленчага мастацтва з Мінска, Магілёва, Гомеля, Віцебска і Ашмян сабраліся 26-28 красавіка ў адукацыйным цэнтры Беларускага зялёнага крыжа, каб разам пачаць працу над тэмай праекта.

Сёлета ў экспазіцыю выставы ўвайшлі 308 твораў з 18 краін – Балгарыі, Беларусі, Германіі, Грузіі, Інданэзіі, Індыі, Ірана, Казахстана, Кітая, Латвіі, Малайзіі, Польшчы, Расіі, Сербіі, Славеніі, Таіланда, Турцыі, Украіны. Па традыцыі работы размесціліся ў выставачных залах мастацкай галерэі «Універсітэт культуры» і Рэспубліканскага эколага-біялагічнага цэнтра.

Чарговую атэстацыю на падцверджанне звання «Народны» праходзіў 20 сакавіка Народны клуб юных мастакоў пры Цэнтры дадатковай адукацыі «Ветразь». У гэты дзень мы павіншавалі кіраўніка клуба Надзею РУБЧЭНЯ і ўручылі ёй Ганаровую грамату ў падзяку за шматгадовае супрацоўніцтва.

Работы пераможцаў Міжнароднага конкурсу жывапісу і графікі «На сваёй зямлі» сталі ілюстрацыямі дзіцячай кніжкі-раскладушкі  «Разноцветно про котов». Кнігу выдала «Издательство Марины Волковой» (Чалябінск) з нагоды Дня котак, што адзначаецца па ўсім свеце 1 сакавіка. У яе ўвайшлі пасловіцы і пагаворкі пра катоў з розных краін.

Больш за 100 спецыялістаў у галіне культуры і мастацкай адукацыі з Беларусі, Вергрыі, Германіі, Расіі, Украіны і Чэхіі ўзялі ўдзел ў Міжнароднай канферэнцыі мастакоў-педагогаў «Сучасная мастацкая адукацыя дзяцей і моладзі», што праходзіла з 6 па 8 лютага ў Нацыянальным цэнтры мастацкай творчасці дзяцей і моладзі.