Завершыла работу журы VI Міжнароднага конкурсу жывапісу і графікі “На сваёй зямлі”

У склад журы ўвайшло 14 прафесійных мастакоў і педагогаў з Беларусі, Расіі і Украіны. На працягу трох дзён, з 5 па 8 лютага, яны разгледзелі 12 247 работ, што прыйшлі на конкурс з 26 краін.

Работы разглядаліся ў васьмі ўзроставых групах. У кожнай групе журы вызначыла дыпламантаў I, II, III ступені, дыпламантаў выставы і дыпламантаў конкурсу. Таксама вялікая колькасць работ была адзначана падзякамі за ўдзел у конкурсе.

Вынікі VI Міжнароднага конкурсу жывапісу і графікі “На сваёй зямлі” будуць апублікаваныя на нашым сайце пасля 1 сакавіка 2011 г.

Выніковая выстава па традыцыі адкрыецца ў красавіку ў залах Рэспубліканскага экалагічнага цэнтра дзяцей і юнацтва і мастацкай галерэі “Універсітэт культуры” у Мінску. У экспазіцыю войдуць усе работы, узнагароджаныя Дыпломамі I, II, III ступені і Дыпломамі ўдзельніка выставы.