Абраныя працы конкурсу «На сваёй зямлі» ўвойдуць у юбілейны каталог

Да дзесяцігоддзя Міжнароднага конкурсу жывапісу і графікі «На сваёй зямлі» рыхтуецца выданне юбілейнага каталога. У яго ўвойдуць больш за 600 прац, што былі пераможцамі конкурсу на працягу 10-ці гадоў.

Цягам снежня група беларускіх мастакоў, якія не бралі раней удзел у журы конкурсу «На сваёй зямлі», адбірала працы для каталога з фондаў Беларускага зялёнага крыжа. Мастакі зрабілі нялёгкі выбар, адабраўшы з лепшых прац конкурсу сапраўдныя шэдэўры дзіцячага мастацтва.

Апроч каталога, юбілейная экспазіцыя конкурсу «На сваёй зямлі» будзе прэзентавана на 6-й Міжнароднай канферэнцыі мастакоў-педагогаў «Сучасная мастацкая адукацыя дзяцей і моладзі».