У Кіеве адбылася прэзентацыя конкурса "На сваёй зямлі"

Выстава работ пераможцаў Міжнароднага конкурсу жывапісу і графікі "На сваёй зямлі" адкрылася 1 ліпеня ў выставачнай зале Прэзідэнцкага фонду Леаніда Кучмы "Украіна". У экспазіцыі прадстаўлена больш за 100 работ з Беларусі, Расіі, Украіны і іншых краін.

У цырымоніі адкрыцця прынялі ўдзел Надзвычайны і Паўнамоцны амбасадар Беларусі ва Украіне Валянцін Вялічка, глава прэзідэнцкага фонду "Україна" Леанід Кучма, прадстаўнікі культуры і мастацтва, педагогі і навучэнцы мастацкіх школ Украіны.

Адкрываючы выставу, Леанід Кучма выказаў словы асаблівай падзякі беларускім арганізатарам за аснаванне выдатнага конкурсу, які аб’яднаў у адную дружную сям’ю творчасць юных талантаў з розных краін.

"З гэтых дзяцей выйдуць многія таленавітыя людзі, якія праславяць нашы краіны на ўвесь свет", – адзначыў экс-прэзідэнт Украіны.

Арганізатары конкурсу падаравалі фонду Леаніда Кучмы і Амбасадзе Беларусі ва Ўкраіне альбом-каталог конкурса.

Медалямі і дыпломамі на адкрыцці выставы былі ўзнагароджаны пераможцы VI Міжнароднага конкурсу жывапісу і графікі з украінскіх гарадоў Керч, Нежын, Адэса, Чарнігаў, Шостка.