Запрашаем на штогадовую Міжнародную канферэнцыю мастакоў-педагогаў

6-я Міжнародная канферэнцыя мастакоў-педагогаў "Сучасная мастацкая адукацыя дзяцей і моладзі" пройдзе ў Мінску з 6 па 7 лютага 2015 года, адразу па заканчэнні работы журы 10-га Міжнароднага конкурсу жывапісу і графікі "На сваёй зямлі".

Запрашаем да ўдзелу педагогаў і выкладчыкаў выяўленчага мастацтва, кіраўнікоў мастацкіх навучальных установаў, мастацтвазнаўцаў, выдаўцоў, а таксама ўсіх зацікаўленых.

Галоўная задача канферэнцыі – абмеркаваць актуальныя пытанні мастацкай адукацыі, даць магчымасць педагогам-практыкам даведацца пра сітуацыю, што склалася ў калег з іншых рэгіёнах і краінах, абмяняцца досведам, наладзіць супрацоўніцтва паміж мастацкімі навучальнымі ўстановамі.

Праграма канферэнцыі традыцыйна будзе ўключаць:

• АГЛЯДНЫ БЛОК, куды ўвойдуць прэзентацыі мастацкіх навучальных устаноў, міжнародных мастацкіх конкурсаў і праектаў з розных краін.
• МЕТАДЫЧНЫ БЛОК, што аб'яднае выступы дасведчаных педагогаў з розных краін, гатовых падзяліцца з калегамі сваймі практычнымі напрацоўкамі.
• ДЫСКУСІЙНЫ БЛОК, прысвечаны абмеркаванню актуальных тэм, звязаных са сферай мастацкай адукацыі.

Глядзець папярэднюю праграму

Падчас канферэнцыі адбудзецца прэзентацыя Ераванскай дзяржаўнай акадэміі мастацтваў (Арменія), а таксама адкрыецца выстава работ з фондаў акадэміі, прысвечаная яе 70-гадоваму юбілею. Іншыя прымеркаваныя да канферэнцыі выставы прадставяць творчыя работы дзяцей Дзіцячай мастацкай школы г. Віцебска, Сямейнага мастацкага праекта "Гульня формы і колеру" (г. Данецк), а таксама работы ўдзельнікаў 2-га Беларускага плэнэра-семінара для мастакоў-педагогаў, што праходзіў у кастрычніку 2014 года у г. Мазыр.

Заяўкі на ўдзел прымаюцца па тэлефонах +375 17 327 79 54, +375 17 327 11 46 (тэл./факс) і па электроннай пошце  This e-mail address is being protected from spambots. You need JavaScript enabled to view it. (Алена Вітальеўна Папова).

АРГАНІЗАТАР КАНФЕРЭНЦЫІ:

Грамадская арганізацыя "Беларускі зялёны крыж"

ПАРТНЁРЫ:

Міжнародны зялёны крыж
Швейцарскі зялёны крыж
Расійскі зялёны крыж
Рэспубліканскі цэнтр экалогіі і краязнаўства
Саюз педагогаў-мастакоў