Выстава "Графіка" з фондаў конкурсу "На сваёй зямлі" прайшла ў Віцебску

Графічныя работы пераможцаў конкурсу "На сваёй зямлі" з розных краін былі прадстаўленыя ў выставачнай зале Дзіцячай мастацкай школы г. Віцебска з 15 чэрвеня па 25 жніўня. Гэта ўжо другая выстава конкурсу ў Віцебску, і зноў яна адбылася дзякуючы калектыву школы.

На гэты раз выставу наведалі больш за 1000 гледачоў. Сярод іх былі не толькі навучэнцы віцебскіх мастацкіх школ і студый – цікавасць да экспазіцыі выказалі шматлікія педагогі Віцебскай вобласці, а таксама навучэнцы сярэдніх спецыяльных устаноў. У чэрвені выставу наведалі ўдзельнікі Міжнароднага дзіцячага і моладзевага пленэру "Віцебск – горад Марка Шагала" з Масквы и Маскоўскай вобласці. Яны таксама з вялікай цікавасцю пазнаёміліся з экспазіцыяй.

Арганізатары конкурсу выказваюць шчырую ўдзячнасць педагогам і кіраўнікам Дзіцячай мастацкай школы г. Віцебска за цудоўную выставу і шматгадовае плённае супрацоўніцтва!

СПАДЗЯЕМСЯ, ШТО НАПЕРАДЗЕ НАС ЧАКАЕ ЯШЧЭ ШМАТ СУМЕСНЫХ ТВОРЧЫХ ПРАЕКТАЎ!