Завершыла работу журы VII Міжнароднага конкурсу жывапісу і графікі "На сваёй зямлі"

Смотр работ праходзіў з 3 па 7 лютага ў адукацыйным цэнтры Беларускага зялёнага крыжа. На працягу 5 дзён журы разгледзела 11 364 работ, што прыйшлі на конкурс з 26 краін.

Работы разглядаліся ў 7 узроставых групах, у кожнай з якіх журы вызначыла дыпламантаў I, II, III ступені, дыпламантаў выставы і дыпламантаў конкурсу. Таксама вялікая колькасць работ была адзначана падзякамі за ўдзел у конкурсе.

На заканчэнне работы журы адбыўся круглы стол, на якім абмяркоўваліся пытанні развіцця конкурсу.

У склад журы ўвайшлі 11 прафесійных мастакоў і педагогаў з Беларусі, Расіі, Украіны і Грузіі. Пазнаёміцца з журы і з творчымі работамі некаторых з іх вы маеце магчымасць тут. Таксама ў бліжэйшы час на сайце з’явяцца інтэрв’ю, з якіх вы даведаецеся меркаванне кожнага з іх пра конкурс і конкурсныя работы.

Глядзець фотарэпартаж…

Вынікі VII Міжнароднага конкурсу жывапісу і графікі "На сваёй зямлі" будуць апублікаваныя на нашам сайце ў сакавіку. Удзельнікам конкурсу, якія падпісаліся на электронную рассылку, мы паведамім пра гэта па электроннай пошце.

Выніковая выстава адкрыецца 19 красавіка ў Мінску у мастацкай галерэі "Універсітэт культуры" і ў выставачнай зале Рэспубліканскага экалагічнага цэнтра дзяцей і юнацтва. У экспазіцыю ўвойдуць усе работы, узнагароджаныя Дыпломамі I, II, III ступені і Дыпломамі ўдзельніка выставы. Разам з адкрыццём выставы адбудзецца цырымонія ўзнагароджання пераможцаў конкурсу.

МЫ БУДЗЕМ ВЕЛЬМІ РАДЫЯ БАЧЫЦЬ ЎСІХ НА АДКРЫЦЦІ ВЫСТАВЫ!

Калі вы маеце намер прыехаць, калі ласка, паведамце нам загадзя па тэлефоне +375 29 627 79 23 ці па электроннай пошце This e-mail address is being protected from spambots. You need JavaScript enabled to view it. (Юлія Русланаўна Серада).