Адбылася трэцяя творчая майстэрня праекта “Перазоў стагоддзяў: 1812 – 2012”

Удзел у сустрэчы, што праходзіла 14-15 студзеня ў адукацыйным цэнтры Беларускага зялёнага крыжа, прынялі маладыя мастакі і выкладчыкі з Мінска, Віцебска, Гомеля, Магілёва, Мазыра, Маладэчна, Ашмян.

Гэтым разам для ўдзельнікаў праекта прайшлі:

• размова са скульптарам Пятром ШАЦІЛАМ,
• лекцыя «Еўрапейскія падзеі пачатку XIX стагоддзя: погляд з сучаснай Беларусі» гісторыка, супрацоўніка Барысаўскай цэнтральнай раённай бібліятэкі імя І.Х.Каладзеева Уладзімірам ЦІЎЧАНКАМ;
• знаёмства з урыўкам «Люди 1812 года» з цыклу лекцый «Беседы о русской культуре» літаратуразнаўцы, культуролага і семіётыка Юрыя Лотмана;
• сустрэча з рэжысёрам Таццянай ШЫЛАВАЙ, прысвечаная еўрапейскаму і рускаму тэатру мяжы XVII-XIX стагоддзяў;
• літаратурна-музычная гасціная са спявачкай Алай БяЛЯЎСКАЙ, дзе прагучалі вершы і песьні пра вайну Булата Акуджавы, Юрыя Левітанскага і іншых паэтаў і бардаў;
• экскурсія ў храм Святой Жываначальнай Троіцы, што будуецца на Барысаўскіх батарэях.

Таксама адбылася сустрэча з кіраўніком групы скульптараў Алесем ШАЦІЛАМ, на якой ён пазначыў падыход сваёй групы да работы над тэмай праекта, апісаў найбольш цікавыя ідэі работ, што ўзніклі ў яго групе, а таксама распавёў, чаму гэтая тэма асабіста яго зацікавіла.

Наступная творчая майстэрня пройдзе 3-4 сакавіка 2012 года.

Падрабязней пра праект...

Творчыя майстэрні ў межах праекта “Перазоў стагоддзяў: 1812 – 2012” маюць на мэце дапамагчы маладым мастакам і скульптарам паглыбіцца ў тэму праекта і распрацаваць уласныя творчыя работы, якія потым змогуць прэтэндаваць на ўдзел у Міжнароднай выставе жывапісу, графікі і скульптуры, прысвечанай падзеям 1812 года на беларускіх землях.